III Avropa Oyunları: Azərbaycan idmançısının təsnifatdakı mövqeyi bəlli olub

Polşada keçirilən III Avropa Oyunlarında kamandan oxatma yarışlarında qadınlar arasında fərdi mübarizədə ilk təsnifat mərhələsi başa çatıb.

“QELEBE.AZ”un Polşaya ezam olunmuş əməkdaşının məlumatına görə, Azərbaycan idmançısı Yaylagül Ramazanova 645 xal toplayıb.

33 yaşlı Y.Ramazanova ümumi sıralamada 23-cü olub.

Azərbaycan təmsilçisi mübarizəni 1/32 final mərhələsində davam etdirəcək. Onun rəqibi litvalı Paulina Ramanauskayte olacaq. Yaylagül Ramazanov bu rəqibini məğlub etsə, 1/16 finalda Fransa idmançısı Karoline Lopeslə üz-üzə gələcək.