Avropa Oyunları: Muay-tay üzrə Azərbaycan millisi 3 medal təmin edib - YENİLƏNİB-3

Muay-tay üzrə Azərbaycan millisi Polşada təşkil olunan III Avropa Oyunlarında 3-cü medalını təmin edib.

“QELEBE.AZ”un məlumatına görə, qadın idmançı Emili Rzayeva yarımfinala vəsiqə qazanmaqla bunu reallaşdırıb.

Onun 63,5 kq çəki dərəcəsində 1/4 final mərhələsindəki rəqibi Nora Kornelli (Fransa) çəkiyə gəlmədiyi üçün E.Rzayeva qalib elan olunub.

Qeyd edək ki, bu gün muay-tay üzrə Azərbaycan millisinin digər üzvləri Xəyal Əliyev (67 kq) və Aysu Devrişova (57 kq) yarımfinala adlayaraq, minimum bürünc medalı təmin ediblər.

Muay-tay üzrə Azərbaycan millisinin daha bir üzvü Polşada təşkil olunan III Avropa Oyunlarında bürünc medalı təmin edib.

“QELEBE.AZ”un yarışa ezam olunmuş əməkdaşının məlumatına görə, qadınlar arasında 57 kq çəki dərəcəsində çıxış edən Aysu Devrişova yarımfinala yüksəlməklə buna nail olub.

18 yaşlı idmançı 1/4 final mərhələsində xorvatiyalı Zelyana Pitesa üzərində 30:26 hesablı qələbə qazanıb. O, iyunun 26-da yarımfinal görüşünə çıxacaq.

Qeyd edək ki, bu gün muay-tay üzrə Azərbaycan millisinin digər üzvü Xəyal Əliyev (67 kq) yarımfinala adlayaraq, minimum bürünc medalı təmin edib.

Muay-tay üzrə Azərbaycan millisinin üzvü Məhəbbət Hümbətov Polşada təşkil olunan III Avropa Oyunlarında mübarizəni dayandırıb.

“QELEBE.AZ”un yarışa ezam olunmuş əməkdaşının məlumatına görə, 71 kq çəki dərəcəsində çıxış edən idmançı 1/4 finalda məğlub olub.

O, yerli döyüşçü Yakub Rayevskiyə 28:29 hesabı ilə uduzaraq, turnirlə vidalaşıb.

Qeyd edək ki, Azərbaycan millisinin digər üzvü Xəyal Əliyev (67 kq) yarımfinala vəsiqə qazanaraq, minimum bürünc medalı təmin edib.

Muay-tay üzrə Azərbaycan millisinin üzvü Xəyal Əliyev Polşada təşkil olunan III Avropa Oyunlarında bürünc medalı təmin edib.

"QELEBE.AZ"un yarışa ezam olunmuş əməkdaşı xəbər verir ki, 67 kq çəki dərəcəsində çıxış edən idmançı buna yarımfinala yüksəlməklə nail olub.

Əliyev 1/4 final mərhələsində Giorgi Kleynə (Gürcüstan) qalib gəlib.

Qeyd edək ki, Azərbaycan millisi daha əvvəl 2 qızıl, 1 gümüş və 2 bürünc əldə edib.