Avropa Oyunları: Sablya üzrə qadınlardan ibarət Azərbaycan millisi Yunanıstana qalib gəlib

Qılıncoynatmanın sablya növü üzrə qadınlardan ibarət Azərbaycan milli komandası Polşada keçirilən III Avropa Oyunlarında 5-ci yer uğrunda ilk oyununu keçirib.

"Report"un yarışa ezam olunmuş əməkdaşının məlumatına görə, Anna Başta, Palina Kaspiaroviç, Valeriya Bolşakova və Səbinə Kərimovadan ibarət kollektiv Yunanıstana 45:29 hesabı ilə qalib gəlib.

Yığmanın 5-ci yer uğrunda son qarşılaşmadakı rəqibi İspaniya seçməsi olacaq.

Qılıncoynatmanın sablya növü üzrə qadınlardan ibarət Azərbaycan milli komandası Polşada keçirilən III Avropa Oyunlarında yarımfinala yüksələ bilməyib.

"Report"un yarışa ezam olunmuş əməkdaşının məlumatına görə, Anna Başta, Palina Kaspiaroviç, Valeriya Bolşakova və Səbinə Kərimovadan ibarət kollektiv 1/8 finalda İtaliya yığmasına uduzub - 42:45.

Azərbaycan millisi 5-ci yer uğrunda mübarizə aparacaq.

Qılıncoynatmanın sablya növü üzrə qadınlardan ibarət Azərbaycan milli komandası Polşada keçirilən III Avropa Oyunlarında 1/8 final görüşünə çıxıb.

"Report"un yarışa ezam olunmuş əməkdaşının məlumatına görə, Anna Başta, Palina Kaspiaroviç, Valeriya Bolşakova və Səbinə Kərimovadan ibarət kollektiv ən güclü "8-liy"ə yüksəlmək uğrunda qarşılaşmada Rumıniya yığması ilə üz-üzə gəlib.

Gərgin və maraqlı mübarizə şəraitində keçən görüşdə 45:42 hesablı qələbə qazanan Azərbaycan 1/4 finala vəsiqə əldə edib.

Milli komanda yarımfinala gedən yolda İtaliya seçmə kollektivi ilə qarşılaşacaq.