Voleybol üzrə Zəfər Kubokunun püşkü atılıb

Voleybol üzrə Zəfər Kubokunun püşkü atılıb

Ümummilli Lider Heydər Əliyevin 100 illik yubileyinə həsr olunmuş jurnalistlər arasında voleybol üzrə Zəfər Kubokunun püşkatma mərasimi keçirilib.

"Report"un məlumatına görə, İdman Araşdırmalar Mərkəzinin (İAM) təşkilatçılığı, "Avrora Qrup"un baş sponsorluğu, Azərbaycan Voleybol Federasiyasının (AVF) və Qusar Olimpiya İdman Kompleksinin dəstəyi ilə gerçəkləşəcək turnirin püşkü Bakının Binəqədi rayonunun Dərnəgül qəsəbəsindəki Voleybol Mərkəzinin akt zalında atılıb.

Tədbirə AVF-nin vitse-prezidenti Faiq Qarayev, qurumun baş katibi Faiq Orucov, Milli Olimpiya Komitəsinin Ədalətli Oyunlar Komissiyasının sədri Xəzər İsayev, "Avrora Qrup"un nümayəndəsi Elvin Babayev, İAM-ın sədri Elşən Məmmədov və iştirakçı komandaların nümayəndələri qatılıblar.

Mərasimi giriş sözü ilə açan Məmmədov ardıcıl ikinci dəfə təşkil olunan turnir barədə məlumat verib. Baş sponsora təşəkkür edən İAM sədri komandalara uğurlar arzulayıb.

Daha sonra söz F.Qarayevə verilib. Federasiyanın vitse-prezidenti bu cür turnirlərin voleybolun kütləviləşməsi və inkişafı baxımından önəmli olduğunu bildirib. O qeyd edib ki, İdman Araşdırmalar Mərkəzinin işğaldan azad olunmuş rayon və şəhərlərin adlarını daşıyan komandalar arasında turnir keçirməsindən sonra bu adlar peşəkar yarışlarda da görünməyə başlayıb. F.Qarayev nümunə kimi "Xarı Bülbül" kollektivini göstərib. O, bildirib ki, federasiya bundan sonra da bu cür voleybol turnirlərinə dəstəyini əsirgəməyəcək. Hətta F.Qareyev sonda təşkilatçılara jest edərək, jurnalistləri Qusara aparacaq nəqliyyatın xərcinin AVF tərəfindən qarşılanacağını söyləyib.

Daha sonra çıxış edən X.İsayev ölkədə voleybola böyük maraq olduğunu xatırladaraq, belə turnirlərin önəmini xüsusi vurğulayıb. O, təşkilatçılara və iştirakçı komandalara uğurlar arzulayıb.

F.Orucov da öz növbəsində hər kəsi salamlayaraq, təşəbbüsü yüksək qiymətləndirdiyini və voleybolu təbliğ edən bu cür layihələrə hər zaman dəstək verməyə hazır olduqlarını söyləyib.

"Avrora Qrup"un nümayəndəsi Elvin Babayev isə daha əvvəl də Azərbaycan Voleybol Federasiyası ilə birgə əməkdaşlıq etdiklərini xatırladıb. O, Zəfər Kuboku turnirinin ənənəvi olacağını sözlərinə əlavə edib.

Nəhayət, sonda turnirin püşkü atılıb və qrupların tərkibi müəyyənləşib. Beləliklə, "Report" İnformasiya Agentliyinin təmsil etdiyi "Füzuli" komandası "Suqovuşan" və "Xankəndi" ilə birlikdə A qrupuna düşüb. B qrupunda isə "Şuşa", "Kəlbəcər" və "Zəngilan" kollektivləri mübarizə aparacaqlar.

Reqlamentə əsasən, qrupda ilk iki yeri tutan komandalar yarımfinala vəsiqə qazanacaqlar. İlk 3 yerin sahiblərinə müvafiq olaraq, qızıl, gümüş və bürünc medallar, qalibə isə Zəfər Kuboku təqdim ediləcək.

Qeyd edək ki, turnir 15-16 iyulda baş tutacaq.

Komanda
Azərbaycan Basketbol Liqasında XII tura start verilib

Azərbaycan Basketbol Liqasında XII tura start verilib

Komanda
Atıcılıq üzrə “Zəfər Kuboku” başlayıb

Atıcılıq üzrə “Zəfər Kuboku” başlayıb

Komanda
Atıcılıq üzrə dünya çempionatına ev sahibliyi Rusiyadan Azərbaycana keçib

Atıcılıq üzrə dünya çempionatına ev sahibliyi Rusiyadan Azərbaycana keçib

Komanda
Azərbaycan çempionatının daha bir oyunu kütləvi xəstəliyə görə təxirə salınıb

Azərbaycan çempionatının daha bir oyunu kütləvi xəstəliyə görə təxirə salınıb

Komanda
"Xarı bülbül Şuşa" komandası ölkə çempionatına Bakıda hazırlaşır

"Xarı bülbül Şuşa" komandası ölkə çempionatına Bakıda hazırlaşır

Komanda
Azərbaycan Yelkən Federasiyası qalib idmançıları mükafatlandırıb

Azərbaycan Yelkən Federasiyası qalib idmançıları mükafatlandırıb

Komanda
Avropa çempionatı: Azərbaycanın voleybol yığmasının rəqibləri bu tarixdə bilinəcək

Avropa çempionatı: Azərbaycanın voleybol yığmasının rəqibləri bu tarixdə bilinəcək

Komanda
Afrikalı basketbolçular uduzduqları oyundan sonra bir-biri ilə dava edib

Afrikalı basketbolçular uduzduqları oyundan sonra bir-biri ilə dava edib

Komanda
Azərbaycan çempionu Almaniyanın III divizion klubuna keçib

Azərbaycan çempionu Almaniyanın III divizion klubuna keçib

Komanda
Dünya komandası tarixdə ilk dəfə Leyver Kubokunu qazanıb

Dünya komandası tarixdə ilk dəfə Leyver Kubokunu qazanıb

Komanda
Avstriya Voleybol Federasiyası rəsmisi: "Azərbaycanla oyunda qızğın rəqs olacaq"

Avstriya Voleybol Federasiyası rəsmisi: "Azərbaycanla oyunda qızğın rəqs olacaq"

Komanda
"Qarabağ"ın rəqibi Bundesliqada növbəti qələbəsini qazanıb

"Qarabağ"ın rəqibi Bundesliqada növbəti qələbəsini qazanıb