Braziliyalı tanınmış futbolçu xəstəxanaya yerləşdirilib

Braziliya millisinin sabiq futbolçusu, dünya çempionu, hazırda isə Rio-de-Janeyronun qubernatoru olan Romario xəstəxanaya yerləşdirilib.

"Report" xəbər verir ki, veteran hücumçu narahatlıq və ağrı şikayəti ilə klinikaya çatdırılıb. Ona bağırsaq infeksiyası diaqnozu qoyulub.

Hazırda səhhəti sabit olsa da, tanınmış futbolçunun evə buraxılması ilə bağlı hələlik heç bir məlumat yoxdur.

Qeyd edək ki, Romario 2021-ci ildə öd kisəsindən əməliyyat olunub.