Derlis Meza Kolli: “Adrian Mutu “Neftçi”yə əvvəlki nüfuzunu qaytaracaq gücdədir”

“Adrian Mutu “Neftçi”yə əvvəlki nüfuzunu qaytaracaq gücdədir”.

Bunu “QELEBE.AZ”a açıqlamasında “Neftçi”nin sabiq futbolçusu Derlis Meza Kolli “ağ-qaralar”ın baş məşqçi postuna rumıniyalı mütəxəssis Adrian Mutunu gətirməsinə münasibət bildirərkən deyib.

Paraqvaylı yarımmüdafiəçinin fikrincə, Mutunun Premyer Liqanın bürünc mükafatçısındakı fəaliyyəti istefaya göndərilən həmyerlisi Laurentsiu Regekampfdan uğurlu olacaq: “Mutu Rumıniyanın gənclər millisindəki işi ilə diqqət çəkmişdi. İndi klubda da özünü təsdiq etməlidir. Nüfuzundan istifadə edərək, “Neftçi”yə güclü futbolçular gətirə bilər. Məncə, o, “Neftçi”yə Regekampfdan daha çox xeyir verəcək”.

Qeyd edək ki, Derlis Meza Kolli 2017/2018 mövsümündə “Neftçi”də çıxış edib.