"Neftçi"nin Bosniya və Herseqovinadakı oyununa böyük maraq var
https://mail.qalaba.az//uploads/photo/neftchinin-bosniya-ve-herseqovinadaki-oyununa-boyuk-maraq-var.webp
"Neftçi"nin Bosniya və Herseqovinada yerli "Jelezniçar" komandasına qarşı keçirəcəyi UEFA Konfrans Liqasının II təsnifat mərhələsinin ilk oyununa böyük maraq var.
"Report" "n1info" nəşrinə istinadən xəbər verir ki, paytaxt Sarayevodakı “Qrbavitsa” stadionunun qərb və şərq tribunalarının biletləri artıq tükənib.
Nəşr qarşılaşma üçün paytaxtda görünməmiş izdihamın hökm sürdüyünü və bilet almaq üçün vətəndaşların uzun növbələr yaratdığını bildirib.
Qeyd edək ki, iyulun 27-də oynanılacaq matç Bakı vaxtı ilə saat 23:00-da başlayacaq.
