“Sumqayıt” Türkiyə toplanışını başa vurub

“Sumqayıt” klubu Türkiyə toplanışını başa vurub.

“Report”un məlumatına görə, Premyer Liqa təmsilçisi bu gün gecə saatlarında Vətənə dönəcək.

Təlim-məşq toplanışının ikinci mərhələsi üçün iyulun 16-da Erzuruma yollanan “gənclik şəhəri” təmsilçisi orada yerli komandalarla iki yoxlama görüşü keçirib. Samir Abasovun yetirmələri “Sivasspor”a 0:1, “Erzurumspor”a isə 3:4 hesabı ilə məğlub olub.

Qeyd edək ki, “Sumqayıt” Azərbaycan Premyer Liqasının 2023/2024 mövsümünün ilk turunda avqustun 5-də “Səbail”lə üz-üzə gələcək.