“Araz-Naxçıvan”ın baş məşqçisi: “Çempionlar Liqasında ilk iki mərhələni keçməliyik”

“Araz-Naxçıvan”ın baş məşqçisi: “Çempionlar Liqasında ilk iki mərhələni keçməliyik”

“Çempionlar Liqasında ilk iki mərhələni keçməliyik”.

“Report”un məlumatına görə, bunu futzal üzrə “Araz-Naxçıvan” klubunun baş məşqçisi Vitali Borisov “azfutzal.az”a müsahibəsində komandanın UEFA Çempionlar Liqasındakı hədəfləri barədə danışarkən deyib.

Gənc mütəxəssis turnirin ilkin mərhələsində üz-üzə gələcəkləri “İstanbul Şişli” (Türkiyə), “Jahn Regensburq” (Almaniya) və “Riqa”nı (Latviya) dəyərləndirib: “Almaniya və Türkiyə çempionları haqqında məlumat toplamaq bir qədər çətindir. Ancaq “Riqa” barəsində müəyyən informasiyamız var. İstənilən halda, əvvəlcə özümüz oyunlara tam hazır olmalıyıq. Bütün diqqətimizi hazırlıq prosesinə yönəltmişik”.

V.Borisov təlim-məşq toplanışında əsasən fiziki hazırlığa diqqət ayırdıqlarını bildirib: “Artıq 3 gündür hazırlığa başlamışıq. Əsasən fiziki hazırlığı yüksəltmək istiqamətində çalışmalara daha çox yer veririk. Heç bir oyunçu artıq çəki ilə qayıtmayıb. Təbii ki, istirahət zamanı heç kim ciddi hazırlıq keçməyib. Ona görə də, fiziki baxımdan yaxşı formada olmadıqları ortadadır. Ancaq Çempionlar Liqası oyunlarına qədər vaxtımız var. Futzalçıları tədricən ən yüksək səviyyəyə çatdırmağa çalışacağıq”.

Baş məşqçi yeni transferlərin kollektivi gücləndirəcəyinə inanır. O, başqa keçidlərin olacağını da vurğulayıb: “Hələlik 2 futzalçı məşqlərə qoşulub. Hər ikisini tanıyırıq, izləmişik, nəyə qadir olduqlarını bilirik. Ninoslav Aleksiç 3-4 il əvvəl Serbiya millisinin heyətində yığmamıza qarşı oynayıb. Həmin görüşdə mən də oyunçu kimi iştirak edirdim. Hər iki futzalçı keyfiyyətlidir. Danışıq apardığımız oyunçular var. Yaxın günlərdə 2-3 futzalçı komandamıza qoşulacaq. Onların keçidi bu gün-sabah yekunlaşacaq. Bu transferlərlə daha da güclənəcəyik”.

Qeyd edək ki, “Araz-Naxçıvan” Çempionlar Liqasının ilkin mərhələsində avqustun 23-də “İstanbul Şişli”, 24-də “Jahn Regensburq”, 26-da isə “Riqa” ilə qarşılaşacaq.

Futbol
Azərbaycanın əsas millisinin üzvü U-21 yığmasına cəlb olunub

Azərbaycanın əsas millisinin üzvü U-21 yığmasına cəlb olunub

Futbol
Pele xəstəxanaya yerləşdirilib

Pele xəstəxanaya yerləşdirilib

Futbol
Türkiyə klubuna transfer qadağası qoyulub

Türkiyə klubuna transfer qadağası qoyulub

Futbol
Azərbaycan Premyer Liqası: "Qarabağ" bu mövsüm 2-ci dəfə xal itirib

Azərbaycan Premyer Liqası: "Qarabağ" bu mövsüm 2-ci dəfə xal itirib

Futbol
“Real Madrid” Dueyn Consona onun adı olan forma hədiyyə edib

“Real Madrid” Dueyn Consona onun adı olan forma hədiyyə edib

Futbol
"Qarabağ"ın kapitanı zədələnib

"Qarabağ"ın kapitanı zədələnib

Futbol
"Şamaxı" futbolçusu ilə yeni müqavilə imzalayıb

"Şamaxı" futbolçusu ilə yeni müqavilə imzalayıb

Futbol
Argentina ilə oyun öncəsi Səudiyyə Ərəbistanında iş dayandırılıb

Argentina ilə oyun öncəsi Səudiyyə Ərəbistanında iş dayandırılıb

Futbol
Azərbaycan millisinin futbolçusu: “Hədəfim PSJ-də oynamaqdır”

Azərbaycan millisinin futbolçusu: “Hədəfim PSJ-də oynamaqdır”

Futbol
"Qarabağ" "Frayburq"la oyunda azlıqda qalıb

"Qarabağ" "Frayburq"la oyunda azlıqda qalıb

Futbol
“Qalatasaray” “Sivasspor”un futbolçusunu transfer edib

“Qalatasaray” “Sivasspor”un futbolçusunu transfer edib

Futbol
"Neftçi" məhsuldar oyunlar sayında 200-ə çatıb

"Neftçi" məhsuldar oyunlar sayında 200-ə çatıb