PSJ Mbappe ilə müqavilə müddətini uzada bilməz
https://mail.qalaba.az//uploads/photo/psj-mbappe-ile-muqavile-muddetini-uzada-bilmez.webp
Fransanın PSJ klubu futbolçusu Kilian Mbappe ilə müqaviləni 2025-ci ilin yayına qədər uzatmaq variantını aktivləşdirə bilməz.
“Report” xəbər verir ki, bunun üçün sözləşmədə göstərilən müddət iyulun 31-də başa çatıb.
24 yaşlı hücumçunun hazırkı anlaşması 2024-cü ilin yayına qədərdir. Fransa millisinin üzvü komandanın Yaponiyadakı mövsümöncəsi təlim-məşq toplanışında yer almır. Ulduz futbolçu indiki transfer pəncərəsində təkliflərdən birini qəbul edib ayrılmasa, PSJ 2023/2024 mövsümündə onu oynatmamaq qərarına gəlib.
Qeyd edək ki, ötən mövsüm 34 çempionat oyununda 29 qol, 5 məhsuldar ötürmə ilə yadda qalan Kilian Mbappe Səudiyyə Ərəbistanından, eləcə də, İspaniyanın “Real Madrid” klubundan təklif alıb.
