Avropa çempionatı: Həndbol üzrə Azərbaycan yığması böyük hesabla uduzub
https://mail.qalaba.az//uploads/photo/avropa-chempionati-hendbol-uzre-azerbaycan-yigmasi-boyuk-hesabla-uduzub.webp
Bakı İdman Sarayında 17 yaşadək həndbolçu qızların Avropa çempionatı davam edir.
"Report"un məlumatına görə, ikinci oyun günündə daha 4 qarşılaşma keçirilib.
Günün ilk matçı "A" qrupunda Bosniya və Herseqovina ilə Litva yığmaları arasında olub. Gərgin mübarizə şəraitində keçən görüş litvalıların 40:37 hesablı qələbəsi ilə yekunlaşıb.
Ardınca meydançaya "B" qrupunda qərarlaşan İspaniya və Yunanıstan kollektivləri çıxıblar. Rəqibi əksər göstəricilərdə üstələyən İspaniya seçməsi asanlıqla qalib gəlib - 33:11.
Bu qrupun İsrail - Farer adaları görüşündə "cırtdanlar"ın qələbəsinə inananlar yanılmayıblar. Daha inamlı oyun nümayiş etdirən Farer adaları rəqibini 38:22 hesabı ilə məğlub edib.
Günün son matçında isə Sloveniya komandası Azərbaycan millisinə 58:6 hesabı ilə qalib gəlib.
Sabah Avropa çempionatda daha 4 qarşılaşma baş tutacaq. "A" qrupunda Azərbaycan Bosniya və Herseqovina ilə, Litva Gürcüstanla üz-üzə gələcək. "B" qrupunda isə Yunanıstan - İsrail və İspaniya - Lüksemburq görüşləri keçiriləcək.
Avropa çempionatına avqustun 13-də yekun vurulacaq.
