Azərbaycan millisinin voleybolçusu: "Hədəfimiz qələbə qazanmaqdır"

"Bugünkü hədəfimiz qələbə qazanmaqdır".

Bunu "Report"a açıqlamasında Azərbaycan millisinin voleybolçusu Kristina Besman Avropa çempionatında Çexiyaya qarşı keçirəcəkləri I turun matçı ilə bağlı danışarkən deyib.

27 yaşlı oyunçu qarşılaşmaların baş tutacağı idman zalını sınaqdan keçirdiklərini bildirib: "Çox komfortlu və rahat arenadır. Özümüzü yaxşı hiss edirik. İlk matça ciddi hazırlaşmışıq. Yaxşı oyun göstərməyə çalışacağıq".

Yığmanın digər üzvü Bəyaz Quluyeva komandada abu-havanın yüksək olduğunu söyləyib: Hər kəsdə özünəinam və ruh yüksəkliyi var. Burada yaşayan həmyerlilərimizin və Bakıdan gələn federasiya rəsmilərinin dəstəyi ilə yarışa qələbə ilə start vermək istəyirik".

Qeyd edək ki, bu gün oynanılacaq Azərbaycan - Çexiya qarşılaşması Bakı vaxtı ilə saat 22:00-da başlayacaq.