Bakıda atıcılıq üzrə dünya çempionatında qadınlar arasında qaliblər müəyyənləşib - FOTO
https://mail.qalaba.az//uploads/photo/bakida-aticiliq-uzre-dunya-chempionatinda-qadinlar-arasinda-qalibler-mueyyenleshib-foto.webp
Atıcılıq idmanı üzrə dünyada son 5 ilin ən böyük hadisəsi Bakıda davam edir.
APA-nın xəbərinə görə, dünya çempionatının bugünkü final yarışları 25 metr məsafəyə tapançadan atəş üzrə qadınların mübarizəsi ilə başlayıb.
Yarışın qızıl medalına 40 xalla Almaniya təmsilçisi Doren Vennekamp sahiblənib.
Ukrayna yığması dünya çempionatında ilk medalını əldə edib. Ukraynalı Olena Kosteviç 31 xalla öz komandasına gümüş medal qazandırıb. 25 xalla bürünc medala yiyələnən Latviya atleti Aqate Rasmane komandasının bu dünya çempionatında ilk uğuruna səbəb olub.
Bu yarışda finala düşmüş Latviya, Tailand, Cənubi Koreya və Çin Taypeyi komandasının üzvləri öz ölkələrinə “Paris-2024” Yay Olimpiadasında iştiraka lisenziya qazandırıblar.
