Serxio Ramos keçmiş klubuna qayıdır

İspaniya millisinin sabiq müdafiəçisi Serxio Ramos “Sevilya” ilə qısamüddətli müqavilə imzalayacaq.

“QELEBE.AZ” xəbər verir ki, bu barədə insayder Fabritsio Romano eksdə bildirib.

Onun sözlərinə görə, tərəflər arasında razılıq əldə olunub.

“Əl-İttihad”ın və türk klublarının təkliflərinə baxmayaraq, qısamüddətli müqavilə ilə bağlı şifahi razılıq əldə olunub. Ramos 18 ildən sonra “Sevilya”ya qayıdıb”, - Romano sosial şəbəkədə yazıb.

Xatırladaq ki, daha öncə Ramos “Qalatasaray”ın və “Beşiktaş”ın maraq dairəsində olub.

Qeyd edək ki, 37 yaşlı futbolçu Fransanın PSJ klubundan ayrılandan sonra azad agent olub. O həmçinin “Real Madrid” və “Sevilya”da çıxış edib.