UEFA Avropa Liqası: "Qarabağ" bu gün qrup mərhələsində ilk oyununa çıxacaq

"Qarabağ" bu gün UEFA Avropa Liqasının qrup mərhələsində ilk oyununu keçirəcək.

"QELEBE.AZ"un məlumatına görə, Qurban Qurbanovun baş məşqçisi olduğu komanda I turda Bakıda Norveç "Molde"si ilə üz-üzə gələcək.

Tofiq Bəhramov adına Respublika stadionunda reallaşacaq qarşılaşma saat 20:45-də başlayacaq.

Görüşü şotlandiyalı Con Bitonun rəhbərlik etdiyi hakimlər briqadası idarə edəcək. H qrupunun digər matçında Almaniyanın "Bayer 04" komandası İsveç "Hakken"ini qəbul edəcək. Bu oyun da eyni saatda start götürəcək.

UEFA Avropa Liqası, qrup mərhələsi

I tur

20:45. "Qarabağ" - "Molde" (Azərbaycan)

Baş hakim: Con Biton (Şotlandiya).

Bakı. Tofiq Bəhramov adına Respublika stadionu.