Reziuan Mirzovun meneceri: “Neftçi”də onun üçün hər şey yaxşı gedir”

“Neftçi”də Reziuan üçün hər şey yaxşı gedir”.

“Report” xəbər verir ki, bunu “Neftçi”nin futbolçusu Reziuan Mirzovun meneceri Aleksandr Klyuev “sport24.ru” saytına açıqlamasında deyib.

Agent bildirib ki, 30 yaşlı hücumçu hazırda yeni komandasına uyğunlaşmağa çalışır: “O, komandaya yeni keçib, uyğunlaşır. Məşqçilər korpusu və rəhbərliklə yaxşı münasibəti var. Yeni tələblərə uyğunlaşmaq qalır. Üstəlik, Reziuan kollektivlə təlim-məşq toplanışı keçməyib. Buna görə də fiziki durumunu yaxşılaşdırmağa çalışır. Artıq kifayət qədər yaxşı formadadır, oynamağa hazırdır. Reziuan başa düşür ki, bacarığını göstərmək üçün forma yığmalıdır”.

Qeyd edək ki, Reziuan Mirzov sentyabrın əvvəlində “Neftçi” ilə 1 illik müqavilə bağlayıb.