HƏMAS-ın İsrailə hücumu zamanı iki basketbolçu həlak olub

İsrailin “Hapoel” (Təl-Əviv) akademiyasının iki basketbolçusu HƏMAS qruplaşmasının ölkə ərazisinə hücumu zamanı həlak olub.

“Report” yerli mətbuata istinadən xəbər verir ki, Yiftah və Yonatan Kots qardaşları öldürülüb.

Onlar ataları, anaları və bacıları ilə birlikdə yaşadıqları evdə qətlə yetiriliblər.

Qeyd edək ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. HƏMAS-ın hücumu nəticəsində 1200 nəfərin öldüyü açıqlanıb.