KİV: "Real" Zinəddin Zidanla danışıqlar aparır

Zinəddin Zidan yenidən İspaniyanın "Real" komandasının baş məşqçisi ola bilər.

"Report" "El Chiringuito" nəşrinə istinadən xəbər verir ki, 51 yaşlı mütəxəssis Karlo Ançelottinin yerinə əsas namizəddir.

Tərəflər əməkdaşlığı bərpa etmək üçün danışıqlar aparır.

Daha əvvəl Ançelottinin karyerasını Braziliya millisində davam etdirəcəyi bildirilib.

Qeyd edək ki, Zinəddin Zidan 2016-2018 və 2019-2021-ci illərdə Madrid təmsilçisinin "sükanı arxasında" olub. O, komanda ilə iki dəfə La Liqanı, eyni sayda ölkə Superkubokunu, üç dəfə isə UEFA Çempionlar Liqasını qazanıb.