Azərbaycan Basketbol Liqası: "Neftçi" bölgə klubunu məğlub edib

Azərbaycan Basketbol Liqasında III turun daha bir oyunu keçirilib.

"Report" xəbər verir ki, günün ilk matçında "Neftçi" "Şəki"ni qəbul edib.

“Sərhədçi” İdman Mərkəzindəki qarşılaşma paytaxt təmsilçisinin inamlı qələbəsi ilə bitib - 90:64.

Qeyd edək ki, günün digər görüşündə "Xırdalan" "Sabah"la üzü-üzə gələcək. III turun əvvəlki oyunlarında "Xəzri" "Cəlilabad"ı 89:79, "NTD-İndiqo" "Gəncə"ni 94:76, "Sumqayıt" isə "Sərhədçi"ni 74:70 hesabı ilə üstələyib.