Azərbaycan Basketbol Liqası: “Cəlilabad” öz meydanında qələbə qazanıb

Azərbaycan Basketbol Liqasında (ABL) IX turun daha bir oyunu keçirilib.

“QELEBE.AZ”un məlumatına görə, Cəlilabad Olimpiya İdman Kompleksində “Cəlilabad” komandası meydana çıxıb.

Adıçəkilən klub doğma azarkeşləri önündə “Xırdalan”ı qəbul edib. Görüş ev sahiblərinin 98:90 hesablı qələbəsi ilə yekunlaşıb. Ən məhsuldar basketbolçular “Cəlilabad”dan Tomas Kobi (32 xal, 11 ribaund), “Xırdalan”dan isə Teyvion Kirk (26 xal, 7 ribaund) olublar. Hazırda hər iki komandanın hesabında 13 xal var.

Qeyd edək ki, IX tura dekabrın 24-də keçiriləcək “Şəki” – “NTD-İndiqo” oyunu ilə yekun vurulacaq.