Qurban Qurbanov: "Komandada bir az narahatlıq var idi"

Qurban Qurbanov: "Komandada bir az narahatlıq var idi"

"Son vaxtlar qazandığımız ən vacib qələbələrdən biri idi. Komandada bir az narahatlıq hiss olunurdu. Futbolçular Yunanıstan səfərindən sonra tam özlərinə gəlməmişdilər".

"QELEBE.AZ"un məlumatına görə, bunu "Qarabağ"ın baş məşqçisi Qurban Qurbanov Qəbələdə eyniadlı komandaya 1:0 hesabı ilə qalib gəldikləri Azərbaycan Premyer Liqasının IX tur oyunundan sonra mətbuat konfransında deyib.

50 yaşlı mütəxəssis futbolçularının çox əziyyət çəkdiyini bildirib: "Bəzən istədiklərin alınmayanda gərginlik olur. Yaxşı komandaya qalib gəldik. Azlıqda qalsalar da, sona kimi mübarizə apardılar. “Qəbələ”yə uğurlar arzulayıram".

O, ilk hissədə zədələnən Leandro Andradenin durumuna da toxunub: "Böyük ehtimalla əzələ zədəsidir. Sabah dəqiq məlumat olacaq".

Qurbanov rəqib müdafiəçi İlkin Qırtımovun qırmızı vərəqə aldığı epizodda baş hakimə heç nə demədiyini söyləyib: "Sadəcə, epizoda baxmaq istəyirdim. Daha hakimlərin işinə qarışmayacağam. Referi dedi ki, baxmaq olmaz. Ona görə kənara çəkildim".

Təcrübəli mütəxəssis uzunmüddətli zədədən sonra meydana qayıdan Kevin Medina ilə Maksim Medvedevin yaxşı çıxış etdiklərini vurğulayıb: "Oyun ritmində çatışmazlıq hiss olunurdu. Uzun fasilədən sonra oynamaq çətindir. Amma sona kimi meydanda oyunu idarə edə bildilər. Bu, çox vacib idi. Rəqib azlıqda qalandan sonra daha rahat oldu. Bir neçə günümüz var. Hazırlıq səviyyələrinə görə qərar verəcəyik".

Baş məşqçi Yunanıstan "Olimpiakos"una qarşı Bakıda keçirəcəkləri Avropa Liqasının qrup mərhələsinin IV tur oyunu ilə bağlı xüsusi planlarının olmadığını qeyd edib: "Sabahdan hazırlığa başlayacağıq. Oyunumuzu analiz edib, gedişata uyğun addım atmağa çalışacağıq. İstər-istəməz gərginlik var. Gözləntilər və istək çoxdur. Hazırlıqda problem olmayacaq. Sabahdan vaxtımız olacaq ki, futbolçuları optimal formaya qaytaraq. Oyunun gedişatında hansısa detallar əlavə oluna bilər. Öz oyunumuzu daha da yaxşılaşdırmağın üzərində işləməliyik".

Qurbanov Qara Qarayev və Maksim Medvedevin Azərbaycan millisinin baş məşqçisi Canni De Byazi ilə bağlı səsləndirdiyi fikirlərə də münasibət bildirib: "Hər ikisi həm də millinin futbolçusudur. Burada qəribə bir şey görmürəm. Yığma haqqında fikir bildirmirəm. Öz aralarında olan müzakirədir. Hərə bir formada fikrini çatdırır. Dünya praktikasında olan şeylərdir. Belə hallar baş verir. Nə olur, onu deyə bilmərəm, fikir bildirmək düşüncəm yoxdur".

O, sonda "Qarabağ"a inanan insanlara təşəkkür edib: "Çalışırıq, işimizi görək, üzərimizə düşən vəzifəni yerinə yetirək. Qarşıda çox oyun var. Çempion olmaq istəyirik. Amma bunu bizdən başqa istəyənlər də var. İndidən nəsə demək olmaz".

Futbol
"Qalatasaray" Danimarka klubunun müdafiəçisini transfer edib

"Qalatasaray" Danimarka klubunun müdafiəçisini transfer edib

Futbol
Qurban Qurbanov: "Komandada bir az narahatlıq var idi"

Qurban Qurbanov: "Komandada bir az narahatlıq var idi"

Futbol
"Nant"ın baş məşqçisi: "Bakıda uduzduğumuz oyundan sonra geridönüş etdik"

"Nant"ın baş məşqçisi: "Bakıda uduzduğumuz oyundan sonra geridönüş etdik"

Futbol
"Qarabağ" azarkeşləri stadiona mühafizə xidmətinin müşayiəti ilə gedəcək

"Qarabağ" azarkeşləri stadiona mühafizə xidmətinin müşayiəti ilə gedəcək

Futbol
Canni De Byazinin köməkçisi İtaliya klubunun baş məşqçisi olacaq

Canni De Byazinin köməkçisi İtaliya klubunun baş məşqçisi olacaq

Futbol
AMF-in fəxri prezidenti: "Minifutbol artıq əhali arasında geniş yayılıb"

AMF-in fəxri prezidenti: "Minifutbol artıq əhali arasında geniş yayılıb"

Futbol
APL: İlk dövrədə əleyhinə və lehinə ən çox penalti təyin olunan komandalar - ARAŞDIRMA

APL: İlk dövrədə əleyhinə və lehinə ən çox penalti təyin olunan komandalar - ARAŞDIRMA

Futbol
Azərbaycan millisi FIFA reytinqində irəliləyib

Azərbaycan millisi FIFA reytinqində irəliləyib

Futbol
AFFA "Sabah"ın futbolçusunu sərt cəzalandırıb

AFFA "Sabah"ın futbolçusunu sərt cəzalandırıb

Futbol
"Qarabağ"ın kapitanı Niderland və Qazaxıstan klublarından təklif alıb

"Qarabağ"ın kapitanı Niderland və Qazaxıstan klublarından təklif alıb

Futbol
"Bavariya"nın aparıcı futbolçusu zədələnib

"Bavariya"nın aparıcı futbolçusu zədələnib

Futbol
Azərbaycan Premyer Liqası: "Qəbələ" baxımlı qolla "Zirə"yə qalib gəlib

Azərbaycan Premyer Liqası: "Qəbələ" baxımlı qolla "Zirə"yə qalib gəlib