Xizək alpinizmi üzrə Avropa çempionatının açılış mərasimi keçirilib

Fransanın Flaine bölgəsində xizək alpinizmi üzrə Avropa çempionatının açılış mərasimi keçirilib.

“QELEBE.AZ” xəbər verir ki, 22 ölkədən 225 idmançının qatıldığı yarışda Azərbaycanın xizək alpinizmi üzrə millisi də iştirak edir.

Mərasimdə açılış nitqi ilə çıxış edən Xizək Alpinizmi üzrə Beynəlxalq Federasiyanın Avropa Konsulluğunun prezidenti Günel Bədəlova idmançılara uğurlar arzulayıb.

Qeyd edək ki, Azərbaycan idmançıları Avropa çempionatında yanvarın 10-da sprint, 11-də isə vertikal növlərdə mübarizə aparacaqlar.

Turnir yanvarın 12-dək davam edəcək.