"Araz-Naxçıvan" daha iki futzalçının transferini açıqlayıb
https://mail.qalaba.az//uploads/photo/araz-naxchivan-daha-iki-futzalchinin-transferini-achiqlayib.webp
"Araz-Naxçıvan" heyətini yeni futzalçılarla gücləndirib.
Azərbaycan Futzal Federasiyasından "QELEBE.AZ"a verilən məlumata görə, son ölkə çempionu Bosniya və Herseqovinadan Miloş Todoriçi transfer edib.
Serbiyanın “Loznitsa Qrad” klubundan “qırmızı-ağlar”a təşrif buyuran 20 yaşlı oyunçu ilə anlaşma mövsümün sonuna qədərdir.
“Araz-Naxçıvan”ın digər transferi yerli futzalçıdır. Nijni-Novqorod şəhərinin təmsilçisi “Torpedo-2”nin yetirməsi olan Həsənəli Rəhimov da cari çempionatın sonunadək “qırmızı-ağlar”ın formasını geyinəcək.
Qeyd edək ki, “Araz-Naxçıvan” daha əvvəl braziliyalı hücumçu Andre Korrea dos Santosla anlaşıb.
