“Kocaelispor” Ramil Şeydayevi Rusiya vətəndaşı kimi sifariş edib

Türkiyənin “Kocaelispor” klubu yeni transferi Ramil Şeydayevi Rusiya vətəndaşı kimi sifariş edib.

“Report”un Türkiyə Futbol Federasiyasının (TFF) rəsmi saytına istinadən məlumatına görə, Azərbaycan millisinin üzvü ilə bağlı müraciət qəbul olunub.

28 yaşlı hücumçu 2025-ci il iyunun 30-na qədər “Kocaelispor”un oyunçusu kimi qeydiyyata alınıb. Bu isə o deməkdir ki, Şeydayevin TFF I Liqa klubunun heyətində rəsmi matçlarda iştirak etməsində heç bir maneə yoxdur.

Qeyd edək ki, “Kocaelispor” I Liqanın XIX turu çərçivəsində yanvarın 20-də Arda Turanın baş məşqçisi olduğu “Eyüpspor”la qarşılaşacaq.