“Siz yalançısınız!” – Caqnedən klub rəhbərliyinə sərt sözlər
Voleybol üzrə Serbiya millisi dünya çempionu olub
Voleybol üzrə dünya çempionatının final oyununda Serbiyanın qadınlardan ibarət komandası Braziliya yığmasına qalib gəlib.
“Report” xəbər verir ki, Niderlandın Apeldorn şəhərində keçirilən görüş 3:0 (26:24, 25:22, 25:17) hesabı ilə serb voleybolçularının xeyrinə başa çatıb. Üçüncü yer uğrunda oyunda İtaliya ABŞ komandasına qalib gəlib - 3:0 (25:20, 25:15, 27:25).
Serbiya turnirdə məğlub olmayan yeganə komanda oldu. Çempionat zamanı serblər Tokio Olimpiadasının qalibi olan ABŞ yığmasını iki dəfə - birinci mərhələdə və yarımfinalda məğlub ediblər.
Komanda ikinci dəfə dünya çempionatının qalibi olub. Serblər ilk birinciliyi 2018-ci ildə əldə ediblər.

https://mail.qalaba.az//uploads/photo/voleybol-uzre-serbiya-millisi-dunya-chempionu-olub.webp











