Azərbaycanın 5 ağırlıqqaldıranı Dünya Kubokunda çıxış edəcək
https://mail.qalaba.az//uploads/photo/azerbaycanin-5-agirliqqaldirani-dunya-kubokunda-chixish-edecek.webp
Azərbaycanın 5 ağırlıqqaldıranı Tailandın Phuket şəhərində keçiriləcək Dünya Kubokunda çıxış edəcək.
“Report” xəbər verir ki, onlardan 4-ü kişi, 1-i qadın idmançıdır.
Qadınlarda Nazilə İsmayılova (45 kq), kişilərdə isə İsa Rüstəmov, Ömər Cavadov (hər ikisi 73 kq), Əli Şükürlü (102 kq) və Dadaş Dadaşbəyli (109 kq) 31 mart – 11 aprel aralığında baş tutacaq yarışda qüvvələrini sınayacaqlar.
Qeyd edək ki, Paris-2024 Yay Olimpiya Oyunlarına lisenziya xarakterli son turnirdə 110 ölkədən 466 (235+231) atlet iştirak edəcək.
