Azərbaycanın stolüstü tennisçiləri Sloveniyaya yollanıblar

Azərbaycanın stolüstü tennisçiləri Sloveniyanın Otocec şəhərində təşkil olunan “Eurotalents selection camp”da iştirak edəcəklər.

Federasiyadan "Report"a verilən məlumata görə, istedadlı idmançıların seçim xarakterli final toplanışında millinin baş məşqçisi Mixail Timofeyevlə məşqçi Elnur Hidayətzadənin rəhbərliyi altında Onur Quluzadə, Yağmur Məmmədli və Xədicə Eylazova bacarığını göstərəcək.

Etimadı doğruldan idmançılar Avropanın ən istedadlı tennisçiləri sırasında yer alaraq, beynəlxalq federasiyanın növbəti toplanışlarına qatılmaq hüququ qazanacaqlar.

Qeyd edək ki, sabah start veriləcək toplanışa oktyabrın 23-də yekun vurulacaq.