Azərbaycan Basketbol Liqasında növbəti yarımfinal görüşü baş tutacaq
https://mail.qalaba.az//uploads/photo/azerbaycan-basketbol-liqasinda-novbeti-yarimfinal-gorushu-bash-tutacaq.webp
Azərbaycan Basketbol Liqasının yarımfinal mərhələsində bu gün daha bir oyun keçiriləcək.
"Report" xəbər verir ki, "Sərhədçi" İdman Mərkəzində "Xəzri" və "NTD-İndiqo" arasında ikinci oyun baş tutacaq.
Görüşün start fiti saat 19.30-da səslənəcək. Komandaların ilk görüşü "Xəzri"nin 63:61 hesablı qələbəsi ilə başa çatıb. "NTD-İndiqo" qələbə qazanacağı təqdirdə, mayın 13-də üçüncü görüş olacaq.
Qeyd edək ki, yarımfinalın digər cütündə "Xırdalan" ilə "Sabah" komandaları qarşılaşıb. Mayın 10-da baş tutan matçda 81:62 hesablı qələbə qazanan ikincilər finala yüksəliblər.
