Həndbol üzrə Azərbaycan kubokunda finalçılar müəyyənləşib

Həndbol üzrə XXX Azərbaycan kubokunda finalçılar müəyyənləşib.

"QELEBE.AZ" xəbər verir ki, qadınların mübarizəsində ilk olaraq yarımfinal görüşündə "Qarabağ" və "Kür" kollektivləri qarşılaşıb.

Gərgin mübarizə şəraitində keçən görüşdə 29:28 hesabı ilə qələbə qazanan ikincilər həlledici mərhələyə vəsiqə qazanıblar.

Onların finaldakı rəqibi digər yarımfinal cütündə "İdman Akademiyası"na (45:28) qalib gələn "Azəryol" həndbolçuları olacaq.

Qeyd edək ki, “Kür” və “Azəryol” komandaları arasında baş tutacaq final oyunu mayın 30-da keçiriləcək.