Niderland millisinin baş məşqçisi: Aqressiv deyildik və rəqibə təzyiq yox idi

Bir çox aspektlərdə çox pis başladıq. Aqressiv deyildik və rəqibə təzyiq yox idi.

"QELEBE.AZ" UEFA-nın mətbuat xidmətinə istinadən xəbər verir ki, bunu Niderland millisinin baş məşqçisi Ronald Kuman Almaniyada təşkil olunan Avropa çempionatının qrup mərhələsinin III turunun oyunları çərçivəsində Avstriyaya qarşı keçirdikləri oyunda sonra deyib.

Mütəxəssis fürsətlərdən istifadə edə bilmədiklərini söyləyib: "Matça erkən nəzarət etmirdik. Sonradan bir qədər yaxşı oynadıq və fürsətlərimiz oldu. Lakin bizi cəzalandırdılar. Meydanda məsuliyyəti üzərimizə götürməliyik”.

Qeyd edək ki, Niderland - Avstriya matçı ikincilərin 3:2 hesablı qələbəsi ilə yekunlaşıb. Niderland ən yaxşı qrup üçüncüsü kimi pley-offda iştirak etmək hüququ qazanıb.