Murad Musayev: “Sabah”da cəsarət etmədiyim şeyləri sınadım”

Murad Musayev: “Sabah”da cəsarət etmədiyim şeyləri sınadım”

“Sabah”da məşqçilik baxımından “Krasnodar”da cəsarət etmədiyim şeyləri sınadım. Standart vəziyyətlərdə, hibrid sxemlərdə çoxlu yeniliklər etdim”.

“Report”un məlumatına görə, bunu “Sabah”ın baş məşqçisi Murad Musayev “sports.ru” saytına geniş müsahibəsində deyib.

38 yaşlı mütəxəssis bildirib ki, bunun üçün əvvəlcə “Krasnodar”da baş verənləri təhlil edib: “Məşq prosesinin strukturunu daha aydın şəkildə formalaşdırdım. Hansı gün nə etməli olduğumuzu dəqiqləşdirdim. Məsələn, bir müdafiəçim var ki, döyüşkəndir, yaxşı mübarizə aparır, amma adətən hücuma gecikir, üstəlik son ötürmələrdə problemi var. Onun hücuma çıxmaması üçün taktikamızı yenidən gözdən keçirdik. İndi müdafiədə 4-4-2, hücumda isə 3-2-5 şərti düzülüşü ilə oynayırıq. Çalışırıq ki, rəqibin arxadakı “dördlüy”ünü “beşimiz”lə yükləyək. Bu düzülüşə görə cinahlarda yaxşıyıq.

Rəqib “avtobusla oynayanda” belə hücumlar təsirli olur. Amma bu taktikada topla daha sürətli işləmək lazımdır. Bir və ya iki toxunuş, istiqamətləri tez-tez dəyişdirmək, aktiv hərəkətlə daxil ola biləcəyiniz sərbəst zonaları axtarmaq vacibdir”.

Rusiyalı məşqçi qeyd edib ki, ondan tez-tez Azərbaycanda inkişaf edib-etmədiyini soruşurlar: “Cavab verirəm ki, bəli, inkişaf edirəm. Bir il keçdi, sakit işləyirəm, hansı aspektdən ki, inkişaf var, onları davam etdirirəm, alınmayan şeyləri isə bir daha etməyəcəyəm.

Məsələn, əgər müəyyən bir üslubda oynamaq istəyirsənsə və uyğun oyunçuların yoxdursa, bu üslubdan yayınmamalısan, əksinə futbolçuları, onların güclü və zəif tərəflərini sxemə uyğunlaşdırmalısan. Yalnız bundan sonra iş nəticə verəcək.

Daha bir məqam: keçən qış təlim-məşq toplanışında sürət-güc işlərinin həcmini daha da artırmağa çalışdıq. Ancaq biz bunu bir az çox etdik. Bu məqamda oyunçuların imkanlarını və yükləmənin xarakterini nəzərdə saxlamaq lazımdır.

Məşqçi heyətimə daha çox məqamları həvalə etməyə başladım. İndi biz kimin müdafiəyə, kimin hücuma cavabdeh olduğunu, kimin standart vəziyyətləri, kimin nəzəriyyəni, kimin məşq və rəqəmləri təhlil etdiyini aydın başa düşürük. Bu mexanizm “Krasnodar”da da işləyirdi, amma burada daha koordinasiyalı işə nail olduq”.

Futbol
Azərbaycan millisinin futbolçusu baş məşqçisiz qalıb

Azərbaycan millisinin futbolçusu baş məşqçisiz qalıb

Futbol
"Qarabağ" Premyer Liqada növbəti qələbəsini qazanıb

"Qarabağ" Premyer Liqada növbəti qələbəsini qazanıb

Futbol
UEFA yeni turnir yaradır

UEFA yeni turnir yaradır

Futbol
Dünyanın ən yaxşı hakimi bəlli olub

Dünyanın ən yaxşı hakimi bəlli olub

Futbol
PSJ Messinin əvəzləyicisini tapıb

PSJ Messinin əvəzləyicisini tapıb

Futbol
Höccət Haqverdi: "Azərbaycan millisində oynamaq mənim üçün çox faydalı oldu"

Höccət Haqverdi: "Azərbaycan millisində oynamaq mənim üçün çox faydalı oldu"

Futbol
AVRO-2024: UEFA püşkatmanın detallarını açıqlayıb

AVRO-2024: UEFA püşkatmanın detallarını açıqlayıb

Futbol
Avropa Liqası: Pley-offun növbəti iştirakçıları bəlli olub

Avropa Liqası: Pley-offun növbəti iştirakçıları bəlli olub

Futbol
Azərbaycanın 2 futbol məşqçisi “Pro” lisenziyası alıb

Azərbaycanın 2 futbol məşqçisi “Pro” lisenziyası alıb

Futbol
AVRO-2024: Azərbaycan millisinin seçmə mərhələdəki rəqibləri bəlli olur

AVRO-2024: Azərbaycan millisinin seçmə mərhələdəki rəqibləri bəlli olur

Futbol
Ermənistan millisinin baş məşqçisi istefaya göndərilib

Ermənistan millisinin baş məşqçisi istefaya göndərilib

Futbol
“Neftçi” serbiyalı müdafiəçini transfer etmək istəyir

“Neftçi” serbiyalı müdafiəçini transfer etmək istəyir