3x3 basketbol üzrə Dünya Qadın Seriyasında Quba mərhələsi start götürüb

3x3 basketbol üzrə Dünya Qadın Seriyasının Quba mərhələsinə start verilib.

“QELEBE.AZ”un Qubaya ezam olunmuş əməkdaşı xəbər verir ki, turnirin açılış oyununda Azərbaycan təmsilçisi "Baku Flames" Niderland millisi ilə qarşılaşıb.

Matç rəqibin 21:4 hesablı qələbəsi ilə yekunlaşıb. Bakı klubunun növbəti rəqibi Çinin U-24 yığması olacaq. Qarşılaşma saat 18:10-da start götürəcək.

Qeyd edək ki, yarışda 8 kollektiv 2 qrupda çıxış edir. A qrupunda Azərbaycan təmsilçisi "Baku Flames", Avstraliya, Niderland və Çinin U-24 milliləri mübarizə aparır. B qrupunda isə Çexiya, Filippin, İran yığmaları və “Düsseldorf Zoos” klubu yer alıb.