Yay Olimpiya Oyunlarında iştirak edən idmançılarımızın növbəti qrupu Vətənə qayıdıb
https://mail.qalaba.az//uploads/photo/yay-olimpiya-oyunlarinda-ishtirak-eden-idmanchilarimizin-novbeti-qrupu-vetene-qayidib.webp
Fransanın paytaxtı Parisdə keçirilən XXXIII Yay Olimpiya Oyunlarında iştirak edən Azərbaycan idmançılarının növbəti qrupu Vətənə qayıdıblar.
“Report” xəbər ki, Heydər Əliyev adına Beynəlxalq Hava Limanında idmançıların qarşılanma mərasimi olub.
Mərasimdə idman ictimaiyyəti, media mənsubları, azarkeşlər, idmançıların yaxınları, ictimaiyyət nümayəndələri iştirak ediblər.
Xatırladaq ki, iyulun 26-da Sena çayı ətrafında açılış mərasimi olan Paris-2024-də Azərbaycan 48 idmançı ilə təmsil olunub. Yığma 15 idman növü üzrə 17 proqramda çıxış edib. Millimizin heyətində cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olublar. Taekvondoçu Qaşım Maqomedov (58 kq), boksçu Alfonso Dominqes (92 kq) gümüş, yunan-Roma güləşçisi Həsrət Cəfərov (67 kq) və sərbəst güləşçilər Giorgi Meşvildişvili (125 kq) ilə Maqomedxan Maqomedov (97 kq) bürünc medala sahib çıxıblar.
