Azərbaycanı Bolqarıstanda keçiriləcək konversiyada təmsil edəcək məşqçilər müəyyənləşib
https://mail.qalaba.az//uploads/photo/azerbaycani-bolqaristanda-kechirilecek-konversiyada-temsil-edecek-meshqchiler-mueyyenleshib.webp
Avropa Voleybol Konfederasiyasının (CEV) Bolqarıstanın paytaxtı Sofiyada Regional Voleybol İnkişaf Mərkəzlərinin xətti ilə keçirəcəyi məşqçi-müəllimlərin beynəlxalq konversiyasında iştirak edəcək Azərbaycanlı məşqçilər müəyyənləşib.
Voleybol Federasiyasından "QELEBE.AZ"a verilən məlumata görə 53 ölkənin məşqçi-müəllimlərinin iştirak edəcəyi təlimlərə ölkəmizdən 4 məşqçi - Rəvan Mehdiyev, Vüqar Əliyev, Tural Teymurov və Qəmzə Cəfərzadə öz biliklərini daha da genişləndirmək üçün qatılacaqlar.
Qeyd edək ki, konversiya sentyabrın 14 və 15-də keçiriləcək. 2 gün davam edəcək konversiyada orta məktəb müəllimləri, aşağı yaş qruplarında çalışan məşqçilər həm nəzəri, həm də praktiki biliklərini daha da artıracaqlar.
