Almaniya klubunun futbolçusu Çempionlar Liqasının tarixinə düşüb

Almaniyanın "Bayer 04" klubunun futbolçusu Florian Virts UEFA Çempionlar Liqasının tarixinə düşüb.

"Report" xəbər verir ki, 21 yaşlı yarımmüdafiəçi buna Niderlandda yerli "Feyenoord" komandasını məğlub etdikləri matçda dubl etməklə nail olub.

O, qitənin bir nömrəli klub turnirində debüt matçında 2 qol vuran ilk almaniyalı oyunçudur.

5-ci dəqiqədə hesabı açan Virts Leverkuzen təmsilçisinin Çempionlar Liqasında ən erkən səfər qoluna da imza atıb.

Qeyd edək ki, qarşılaşma Almaniya klubunun 4:0 hesablı qələbəsi ilə yekunlaşıb. Bu, "Bayer 04"ün turnirdə ən böyükhesablı səfər qələbəsidir.