Şuşada keçiriləcək şahmat turnirinin iştirakçıları Vüqar Həşimovun məzarını ziyarət ediblər

Şuşada keçiriləcək Vüqar Həşimov Memorialının iştirakçıları II Fəxri xiyabanda olublar.

"QELEBE.AZ"un məlumatına görə, qrossmeysterlər görkəmli şahmatçı Vüqar Həşimovun məzarını ziyarət ediblər.

Ziyarətə Vüqar Həşimovun yaxınları, yarış iştirakçıları, Azərbaycan Şahmat Federasiyasının üzvləri, şahmatçılar və Təşkilat Komitəsinin nümayəndələri qatılıblar.

10-cu dəfə təşkil olunacaq Vüqar Həşimov Memorialı bu dəfə Şuşada baş tutacaq. Yarışın açılış mərasimi sabah, saat 14-30-da Şuşa Otel-Konqres Mərkəzində reallaşacaq.