Premyer Liqa: "Neftçi" bu gün "Sumqayıt"ı qəbul edəcək

"Neftçi" bu gün futbol üzrə Azərbaycan Premyer Liqasının VIII turunda "Sumqayıt"ı qəbul edəcək.

"QELEBE.AZ"un məlumatına görə, qarşılaşma saat 19:30-da start götürəcək.

Oyunun baş hakimi Cavid Cəlilov olacaq. Hələlik qələbə qazana bilməyən paytaxt klubu 4 xalla 9-cu pillədə qərarlaşıb. "Gənclik şəhəri" təmsilçisi 6 xalla 7-ci sıradadır.

Günün ilk görüşündə "Zirə" evdə "Kəpəz"i sınağa çəkəcək. Rauf Cabarovun idarə edəcəyi matç saat 17:00-da başlayacaq.

Rəqiblərindən bir oyun az keçirən meydan sahibləri 12 xalla 5-ci yerdədir. Hazırda xalı olmayan Gəncə klubu isə sonuncu-10-cu pillədədir.

Azərbaycan Premyer Liqası
VIII tur

17:00. Zirə” – “Kəpəz”
Hakimlər: Rauf Cabarov, Eyyub İbrahimov, Şirmamed Mamedov, Əli Əliyev
VAR: Əliyar Ağayev
AVAR: Akif Əmirəli
Hakim-inspektor: Ramil Diniyev
AFFA nümayəndəsi: Asif Əliyev
Zirə İdman Kompleksinin stadionu

19:30. “Neftçi” – “Sumqayıt”
Hakimlər: Cavid Cəlilov, Kamran Bayramov, Müslüm Əliyev, Rəvan Həmzəzadə
VAR: Elçin Məsiyev
AVAR: Pərvin Talıbov
Hakim-inspektor: Feyzulla Feyzullayev
AFFA nümayəndəsi: Rüfət Əmirov
“Neftçi Arena”

Qeyd edək ki, ötən gün "Araz-Naxçıvan" "Səbail"i məğlub edib. Turun digər matçları sentyabrın 29-da baş tutacaq.