İtaliya millisinin sabiq futbolçusu yığmaya məşqçi təyin olunub

İtaliya millisinin sabiq üzvü Leonardo Bonuççi ölkəsinin U-20 komandasına məşqçi təyin olunub.

"Report" İtaliya Futbol Federasiyasının mətbuat xidmətinə istinadən xəbər verir ki, 37 yaşlı sabiq müdafiəçi baş məşqçi Bernardo Korradinin köməkçisi vəzifəsini icra edəcək.

Qeyd edək ki, futbolçu karyerasında son olaraq Türkiyə təmsilçisi "Fənərbağça"nın formasını geyinən Bonuççi "İnter", "Yuventus", "Milan" və "Cenoa" kimi klubların şərəfini qoruyub. O, İtaliya millisinin heyətində 121 oyunda 8 qol vurub.