Afrikada ilin ən yaxşı futbolçusu adına namizədlərin siyahısında Məhəmməd Salah yer almayıb

Afrikada ilin ən yaxşı futbolçusu adına namizədlərin siyahısında İngiltərənin "Liverpul" klubunun hücumçusu Məhəmməd Salah yer almayıb.

"Report" xəbər verir ki, Afrika Futbol Konfederasiyasının açıqladığı siyahıda 10 oyunçunun adı var.

Bunlar Simon Adinqra (Kot d'İvuar), Amin Quiri (Əlcəzair), Seru Qrassi (Qvineya), Əşrəf Hakimi (Mərakeş), Ademola Lukman (Nigeriya), Şansel Mbembа-Manqulu (Konqo Demokratik Respublikası), Sufyan Rahimi (Mərakeş), Edmond Tapsoba (Burkina Faso), Uilyam Troost-Ekonq (Nigeriya), Ronven Uilyamsdır (Cənubi Afrika).

Məhəmməd Salah (Misir), Nikolas Cekson (Seneqal), Mohamed Kudus (Qana), Viktor Bonifas (Nigeriya) və Viktor Osimhen (Nigeriya) kimi futbolçuların adları isə siyahıda yoxdur.

Qeyd edək ki, son olaraq 2023-cü ildə Afrikada ilin ən yaxşı futbolçusu Viktor Osimhen seçilib.