ABŞ klubunun basketbolçusu unikal nailiyyətə imza atıb

ABŞ-nin "Los-Anceles Klippers" klubunun hücumameyilli müdafiəçisi Ceyms Harden Milli Basketbol Assosiasiyasında (NBA) unikal nailiyyətə imza atıb.

"QELEBE.AZ" xəbər verir ki, o, buna NBA-nın müntəzəm mövsümündə "Finiks"ə qarşı matçın ilk hissəsində nail olub.

Harden 12 xal toplayıb, 5 ribaund, 7 ötürmə və 2 blok-şot edib. 1996/1997 mövsümündən, yəni bu cür statistikanın hesablanmağa başladığı vaxtdan bəri heç bir NBA oyunçusu belə göstəricilərə nail ola bilməyib.

Qeyd edək ki, 35 yaşlı basketbolçu "Finiks"lə görüşdə ümumilikdə 25 xal toplayıb, 10 ribaund, 13 məhsuldar ötürmə və 2 blok-şot edib. "Los-Anceles Klippers" bu oyunda 119:125 hesabı ilə məğlub olub.