UEFA Millətlər Liqası: Azərbaycan - Estoniya matçının bütün biletləri satılıb

UEFA Millətlər Liqasının qrup mərhələsinin V turunda bu gün keçiriləcək Azərbaycan - Estoniya matçının bütün biletləri satılıb.

“Report”un Qəbələyə ezam olunan əməkdaşının məlumatına görə, qarşılaşma üçün nəzərdə tutulan 1800 bilet artıq alınıb.

UEFA təhlükəsizlik baxımından Qəbələ şəhər stadionundakı bəzi tribunalara azarkeşlərin buraxılmasına icazə verməyib. Bu səbəbdən də satışa çıxarılan biletlərin sayı stadionun tutumundan azdır.

Qeyd edək ki, Azərbaycan - Estoniya görüşü saat 18:00-da başlayacaq.