"Mançester Yunayted" yetirməsini satmağa hazırdır

İngiltərənin "Mançester Yunayted" klubu futbolçusu Markus Reşfordu satmağa hazırdır.

"Report" xəbər verir ki, bu barədə jurnalist və insayder Florian Plettenberq sosial şəbəkə hesabında bildirib.

Onun sözlərinə görə, "qırmızı şeytanlar" qış transfer dönəmində 27 yaşlı hücumçu üçün gələcək təklifləri dəyərləndirəcək. Mançester təmsilçisi forvardı ən geci yayadək satmağı planlaşdırır.

Klub Reşfordu satmaqla oyunçulara verilən maaşa qənaət etmək niyyətindədir. Beləliklə, bu, "Mançester Yunayted"in "maliyyə feyr-pleyi" qaydalarına asanlıqla uyğunlaşmasına şərait yaradacaq.

Qeyd edək ki, klubun yetirməsi olan Markus Reşford cari mövsüm bütün turnirlərdə 23 oyuna çıxıb, 7 qol və 3 məhsuldar ötürmə ilə yadda qalıb.