"Milan"ın baş məşqçisi istefa verib, komanda digər portuqaliyalı mütəxəssisə tapşırılıb

İtaliyanın "Milan" klubunun baş məşqçisi Paulu Fonseka istefa verib.

"Report"un "Football Italia" nəşrinə istinadən məlumatına görə, 51 yaşlı mütəxəssis bu barədə "Roma" ilə heç-heçə (1:1) etdikləri A Seriyasının XVIII turunun oyunundan sonra açıqlamasında bildirib.

P. Fonseka Milan təmsilçisini tərk etdiyini söyləyib: "Mənim vicdanım təmizdir. Çünki əlimdən gələni etdim".

Portuqaliyalı baş məşqçini bu postda həmyerlisi Serjiu Konseysau əvəzləyəcək.

Qeyd edək ki, komanda A Seriyasında 17 matçdan sonra 27 xalla 8-ci pillədə qərarlaşıb. Paulu Fonseka bu ilin iyunundan "Milan"da işləyir.