Sloveniyada keçiriləcək Qran-pridə Azərbaycanı təmsil edəcək idmançılar müəyyənləşib

Sloveniyanın Ruş şəhərində keçiriləcək güllə atıcılığı üzrə ISSF Qran-pri yarışlarında Azərbaycanı təmsil edəcək idmançılar müəyyənləşib.

"QELEBE.AZ" Atıcılıq Federasiyasının mətbuat xidmətinə istinadən xəbər verir ki, ölkə 6 idmançı ilə təmsil olunacaq.

Yarışda Ruslan Lunyov, Ramiz Xəlilov, Nigar Nəsirova, Üzeyir Tapdıqlı, Xanna Əliyeva və Vladislav Kalmıkov iştirak edəcək. Çempionat 10 metr məsafədən pnevmatik tapança və tüfəngdən atəş kateqoriyaları üzrə keçiriləcək.

Qeyd edək ki, Qran-pri yanvarın 7-12-si aralığında baş tutacaq.