Azərbaycan Basketbol Liqası: “Şəki” səfərdə “Lənkəran”ı məğlub edib

Azərbaycan Basketbol Liqasının X turunda “Şəki” səfərdə “Lənkəran”ı məğlub edib.

“QELEBE.AZ” xəbər verir ki, B qrupunun Lənkəran Olimpiya İdman Kompleksində baş tutan matçı qonaqların qələbəsi ilə yekunlaşıb - 111:82.

Qeyd edək ki, bu gün B qrupunda daha bir matç oynanılacaq. "Ordu" "Quba" ilə üz-üzə gələcək. "Sərhədçi" İdman Mərkəzində baş tutacaq görüşün start fiti saat 16:30-da səsləndiriləcək. Turun daha əvvəl keçirilən görüşlərində “Neftçi” "Abşeron"u 84:76, “Naxçıvan” “Sabahı” 80:75, “Sərhədçi” NTD-ni 78:64 hesabı ilə məğlub edib.