Azərbaycanın xizək alpinizmi üzrə millisi Dünya Kubokunda iştirak edib

Azərbaycanın xizək alpinizmi üzrə millisi İtaliyanın Forni di Sopra şəhərində yeniyetmələr arasında keçirilən Dünya Kubokunda iştirak edib.

"Report" xəbər verir ki, bu barədə Qış İdman Növləri Federasiyasının mətbuat xidməti məlumat yayıb.

Yarışda ölkəmizi Nəbiyulla Qələbəqiyev və Ramin Beybutov təmsil edib.

Yarışın sprint növündə 15 ölkədən olan iştirakçı arasında Nəbiyulla Qələbəqiyev 7-ci, Ramin Beybutov isə 8-ci yerə çıxıb.