"İnter"in hücumçusu qol sayında klubun bombardirinə çatıb
https://mail.qalaba.az//uploads/photo/interin-hucumchusu-qol-sayinda-klubun-bombardirine-chatib.webp
İtaliyanın "İnter" klubunun futbolçusu Lautaro Martines UEFA Çempionlar Liqasında (ÇL) yeni uğura imza atıb.
"Report" xəbər verir ki, 27 yaşlı hücumçu buna Fransa təmsilçisi "Monako"ya qalib gəldikləri (3:0) turnirin Liqa mərhələsinin VIII turunun matçında het-trik etməklə nail olub.
Argentinalı forvard Milan təmsilçisinin heyətində qitənin bir nömrəli klub turnirində 17-ci qolunu vurub. O, bu göstəricidə "İnter"in ÇL-dəki bombardiri Sandro Matsolaya çatıb.
Bundan əlavə, Martines Samuel Etodan sonra Çempionlar Liqası oyununda "İnter"in heyətində het-trik edən ikinci oyunçudur. Kamerunlu hücumçu 2010-cu ildə Almaniyanın "Verder" klubu ilə görüşdə rəqib qapısından üç top keçirib.
