UEFA Avropa Liqası: "Qarabağ"ın qapıçısı qurtarış sayında ilk "5-lik"də qərarlaşıb

"Qarabağ"ın üzvü Mateuş Koxalski UEFA Avropa Liqasının Liqa mərhələsində ən çox qurtarış edən qapıçıların siyahısında qərarlaşıb.

"QELEBE.AZ"un məlumatına görə, bu barədə UEFA-nın rəsmi saytındakı statistik göstəricilərdə bildirilib.

24 yaşlı qolkiper 29 dəfə "seyv" ilə yadda qalıb. Polşalı bu göstəriciyə görə beşinci pillədə qərarlaşıb. Birinci sırada "Elfsborq"un (İsveç) "çərçivə qoruyucusu" Isak Pettersson yer alıb.

Qeyd edək ki, "Qarabağ" Liqa mərhələsini 3 xalla sonuncu - 36-cı pillədə başa vurub. "Köhlən atlar" 6 qol vurub, qapısında 20 top görüb. Mateuş Koxalski 8 matçın 6-da iştirak edib, digər 2 görüşdə isə Fabian Buntiç oynayıb.