Amerikalı atlet 3000 metr məsafəyə qaçış üzrə dünya rekordu müəyyənləşdirib

Amerikalı atlet Qrant Fişer ABŞ-da qapalı məkanda keçirilən turnirdə 3000 metr məsafəyə qaçış üzrə dünya rekordu müəyyənləşdirib.

"Report" xarici KİV-ə istinadən xəbər verir ki, idmançı sözügedən məsafəni 7 dəqiqə 22 saniyəyə qət edib.

O, 2023-cü ilin fevralından efiopiyalı Lameça Girmaya məxsus olan 7 dəqiqə 23 saniyəlik rekordu qırıb.

Həmçinin ABŞ-da keçirilən yarışların nəticələrinə görə bir mil (1609 metr) məsafəyə qaçışda da rekord yenilənib. Bu rekordun sahibi isə amerikalı digər atlet Yared Nuquze (3 dəqiqə 46 saniyə) olub. Bu məsafə üzrə əvvəlki rekord 2019-cu ilin martında efiopiyalı Yomif Kecelça tərəfindən müəyyən edilmişdi - 3 dəqiqə 47 saniyə.