Azərbaycan cüdoçusu Bakıdakı "Böyük Dəbilqə"də bürünc medal qazanıb
https://mail.qalaba.az//uploads/photo/azerbaycan-cudochusu-bakidaki-boyuk-debilqede-burunc-medal-qazanib.webp
Azərbaycan cüdoçusu Əhməd Yusifov (60 kq) Bakıda keçirilən "Böyük Dəbilqə"də bürünc medal qazanıb.
"Report"un məlumatına görə, 25 yaşlı idmançı üçüncü yer uğrunda qarşılaşmada ukraynalı Dilşot Xalmatovla üz-üzə gəlib.
Yusifov rəqibini qızıl xal bölümündə məğlub edib.
Eyni çəkidə Balabəy Ağayev bürünc mükafat uğrunda görüşdə belçikalı Jorre Verstraetenə uduzub.
Bu gün Elşən Əsədov (66 kq) üçüncü yer uğrunda qarşılaşmada özbəkistanlı Azizbek Ortıkovla üz-üzə gələcək.
Qeyd edək ki, turnir fevralın 16-da başa çatacaq. Azərbaycan yarışda 32 idmançı ilə təmsil olunur.
